سەرەتا/ لەبارەی دابڕان/ پەیوەندی/

عیراق... كوژرانی بەرپرسێكی دیاری داعشی ڕاگەیاند

پێش 1 هەفتە


دەزگای ھەواڵگریی و لێكۆڵینەوەی فیدڕاڵی سەربە وەزارەتی ناوخۆی عیراق، كوژرانی والی ئەنباری رێكخراوی داعش و سێ چەكداری دیكەی رێكخراوەكەی لە بیابانەكانی پارێزگاكە راگەیاند.

لە راگەیەندراوەكەی شانەی راگەیاندنی ئەمنی سەربە نووسینگەی فەرماندەی گشتیی ھێزە چەكدارەكانی عیراق، ئاماژە بەوەدراوە، ھێزەكانی سەربە دەزگای ھەواڵگریی و لێكۆڵینەوەی فیدڕاڵی بە ھەماھەنگی لەگەڵ شانەی راگەیاندنی ئەمنیی و بە پشت بەستن بە زانیاریی ھەواڵگریی، ئۆپەراسیۆنێكی ئاسمانیی بۆ كردنە ئامانجی ئۆتۆمبێلێكی تیرۆریستان لە بیابانەكانی پارێزگای ئەنبار، ئەنجامدراوە.

بەپێی راگەیاندراوەكە، لە ئاكامی ئۆپەراسیۆنەكەدا، والی ئەنباری رێكخراوی داعش ناسراو بە ئەبو مەنسور و سێ تیرۆریستی دیكەی یاوەری كوژراون.

لە راگەیەندراوەكەدا ئاماژە بەوەشكراوە، ئەو تاوانبارەی كوژراوە چەند پۆستێكی لەنێو رێكخراوی داعش ھەبووە و یەكێك بووە لەو كەسانەی كە لە رێگەی نێودەوڵەتیی روتبە ھاووڵاتییانی دەكردە ئامانج.

وێڕای ئەوەی عیراق لە ساڵی ٢٠١٧دا سەركەوتنی بەسەر رێكخراوی تیرۆریستی داعش و كۆنترۆڵ كردنەوەی تەواوی رووبەری ئەو خاكەی كە رێكخراوەكە لە ھاوینی ٢٠١٤دا دەستی بەسەردا گرت، راگەیاند، بەڵام تاوەكو ئێستا رێكخراوەكە لە رێگەی پاشماوە و شانە نووستووەكانیەوە ناو بەناو كردەوەی تیرۆریستی ئەنجام دەدات بەتایبەت لە ناوچەكانی نێوان پارێزگای كەركووك و سەڵاحەددین و پارێزگای دیالە، كە بە "سێگۆشەی مەرگ" ناودەبرێت.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.