سەرەتا/ لەبارەی دابڕان/ پەیوەندی/

دوو نمونە بۆ دەرخستنی سەد كێشەی شاری هەڵەبجە

3 رۆژ پێش ئێستا


راڤیار نەوزاد

 

 ساڵی 2017 لەگەڵ ڕێكخراوی UN پڕۆژەیەكی پیشەیمان هێنایە شاری هەڵەبجە، پڕۆژەكە بە سەرمایەیكی زیاتر لە 5دەفتەر دۆلاری پاڵپشتی دەكرا و بڕیاردرا لە شوێنێكی بەرچاوی ئەم شارە بكرێتەوە. پوختەی پڕۆژەكە بریتی بوولە( ڕێستۆرانتێكی كلتوری كە كتێبخانەیەك و هۆڵێكی بچوكی سینەماتیك و فاست فودێك و مینی باڕێكی خواردنەوە سروشتیەكانی لەخۆگرتبوو).

 

زیاتر لە 15گەنجی لەهەردوو ڕەگەز دەخستە سەركار و سیمایی شوێنێكی زۆر گرنگی شاری هەڵەبجەی بەشێوازێكی زۆر جوان دەگۆڕی.
لەپاش سێ مانگ هاتن و ڕۆشتن و پڕۆپۆزڵ نوسین و ئەمسەر و ئەوسەر توانیم ڕەزامەندی پڕۆژەكە لەلایەنی (بەخشەر) وەرگرم و كار هاتە سەر ڕەزامەندی حكومەتی لۆكاڵی هەڵەبجە و بەتایبەت لێپرسراوێكی حكومی ئەمشارە كە دەبوو ئەوو ڕەزامەندبێت بۆ پێدانی جێیەكە پێمان.

 

پاش چەندجار سەردانیكردنی خۆم و پاش ئەوەی جارێك لەگەڵ نوێنەری UN سەردانمكرد و پڕۆپۆزڵ و گرنگی و مەودافراوانی هەم لەڕوی كات و هەم لەڕوی قازنجی "كلتوری/مادی" بۆ ئەو بەرپرسەخستە ڕوو، داواكاریەكەميان ڕەتكردەوە و پاش سوربوونی من لەسەر هۆكاری ڕەتكردنەوەی پڕۆژەكە ئەم ڕستەیەی پێمووت و منیش بەوپەڕی بێدەنگی و بێهیوایی هاتمەدەرەوە و دەستم لەپڕۆژەكە هەڵگرت، ئەوو پێی وتم :
(ڕاڤیار گیان .. پڕۆژەكە جوانە. بەسودە، بەڵام من ناتوانم ئەو جێیە بدەم بەئێوە لەبەر ئەوەی دواتر خەڵك لەفەیس بوك لەسەرمان ئەنوسن.. ئیسلامیەكان لێمان دێنە دەنگو دەڵێن شوێنی گشتیان داوە بەخەڵكی  و مافی گشتیان بەكار هێناوە..!)

ـــــــــــــــــــــــــــــــــــــــــــــــــــــــــــــــــــــ
نمونەی دووەم كەدەیگێڕمەوە لەمساڵدا و تەواو پێچەوانەی ئەمەی سەرەوە ڕویدا.
ئەمساڵ خوێندنگەیەكی حكومی بەتەواوی كەل و پەل و پێداویستیەكانی ناویەوە درا بەپڕۆژەی قوتابخانەیەكی ئەهلی بەبێ ئەوەی یەك دینار لەپڕۆژەكەیان بگەڕێننەوە بۆحكومەت، لەكاتێكدا لەباكگراواندا ئەوو پڕۆژەیە شەخسێكی ئیسلامی خاوەنداری دەكات.
"لێرە من باس لەباشە و خراپەی پڕۆژەكە ناكەم و پێم باشە كەهەیە و خوازیارم نمونەی زیاتریشی هەبێت"
بەڵام نەمانبینی یەك نوسین یەك گلەی یەك سەرنج یەك تێبینی  لەسەر ئەم بابەتە هەبێت.!

 

لێرە پرسیارەكە ئەمەیە :
هەر بەڕاست كێ دەسەڵات داری ئەم شارەیە؟!
"وێنەكە پەیكەرێكە لە ناوەڕاستی شاردا...!"

نوێترین


کاریکاتێر

وێنەهەواڵ

© 2016 Dwryan.net. All Rights Reserved.