سەرەتا/ لەبارەی دابڕان/ پەیوەندی/

نەهێڵن ئەو کاهینە توخنی ئەو پەپولە کۆست کەوتوانە بکەوێت...

12/05/2021


ئارام رەفعەت

داعش باوکی لێسەندنەوە، ئەم کاهینە نەرمە داعشەش دەیەوێت رۆح و ناسنامە و کەسایەتی کوردییان لێ بسەنێتەوە. 

داعش بە پارەی قەتەر و بە فیکەی ئەردۆغان بۆ هەمیشە خەندەی لەو چوار پەپولەیە زەوت کرد، ئەم کاهینە نەرمە داعشەش بە پارەی قەتەر و هاوپشتی ئەردۆغان دەیەوێت چارەنوس و ئاییندەیان لێ زەوت بکات.

داعش و نەرمە داعش دوو جرجی هەمان ئەو زەلکاوەن کە لە سەدەی رابردوودا حەسەن بەننا تێیدا ترەکی... جیاوازی داعش و نەرمە داعش ئەوەیە، داعش یەکسەر دەتکوژێت و ئەمانەش بەهێواشی رۆح و ناسنامەی کوردیت دەکوژن.

هەر منداڵێکی کورد ژەهری ئەم کاهینە و پێڕەکەی رژابێتە مێشکەوە هیچ سۆز و ئینتیما و وەلایەکی بۆ ئەم وڵاتە نامێنێت.... دەیان گەرمیانی دەناسم، یادگاری ئەو داپیرە و باپیرانەن کە دەوڵەتە فاشیستەکەی عێڕاق ئەنفال و جینۆسایدی کردن، بەڵام قامکی ژەهراوی ئەم کاهینانەیان گەییشتە دەماغ و ئێستا نە لە گەرمیانی دەچن، نە لە منداڵە ئەنفال و نە لە کورد. 

نامەردی ئەوەیە بە پارەی قەتەر و ئیخوانی جیهانی کۆمەڵێک پەپولەی هەتیو کەوتوو غەسل دەماغ بکەیت و بەیانیش "سەردۆش"ەکەی ئامینە ئەردۆغانییان بکەیتە سەر و لە نماییشێکی حیزبیانەدا بە ئاغای ئەردۆغانت بڵێیت، "ئەفەندم بو ئیش یاپتم".

نامەردی ئەوەیە پەنجەی تیرۆریستێکی حەماس و حیزبوڵلات پێ لە جەستە و رۆحی سەدان پێشمەرگەی وەکو موحسین بەنرختربێت... نامەردی ئەوەیە تیرۆریستی حەماست پێ موجاهید و لەسەر هەق بێت و موحسین و پێشمەرگەشت پێ عەلمانی و کافر و گومڕا بێت... 

نامەردی ئەوەیە کە کێشەی فەلەستینت هەزار جار پێ لەکێشەی کور ئەفزەلتر بێت... بەڵام لەهەمووی نامەردتر ئەوەیە بەتەماحی کوشتنی رۆحی منداڵەکانی فرمێسکی ریاکارانە بۆ موحسین "نەک محسن هەی کاهن" برێژیت.

 

ئێوەی کاهین نامەردن کە منداڵەکورد دەخەنە ناو پرۆژەی ئەردۆغان و ئیخوانی جیهانی... بەڵام لە ئێوە نامەردتر سەرانی یەکێتی و پارتین کە ئێوەی کاهینی بەرداوەتە گیانی منداڵ و هەرزەکارە خێر لەخۆ نەدیوەکانی ئەم میللەتە بەدبەختە.

نابێت رێگا بدرێت ئەم کاهینە قەرسیلخۆرە و هیچ کاهینێکی تر تخونی پەپولە خەندە زەوتکراوەکانی شەهید موحسین بکەون، ئەوان لەسەردەستی هاومەزهەبەکانی ئەم کاهینە نەرمە داعشە بێ نازی باوک کران. 

 

دابینکردنی ژیانێکی شایستە و شکۆمەند بۆ سەرجەم شەهیدەکانی دەستی داعش ئەرکی دەسبەجێی حکومەتی هەرێمە.
نابێت رێگە بەو کاهینە بدرێت تخونی ئەم فریشتانە بکەوێت.

 

لینكی فەیسبوك

نوێترین


کاریکاتێر

وێنەهەواڵ

© 2016 Dwryan.net. All Rights Reserved.