سەرەتا/ لەبارەی دابڕان/ پەیوەندی/

مامۆستایەكی زانكۆ: كۆمەڵی دادگەری لە هەڵەبجە لە بەردەم دوو بژاردەدایە

پێش 1 هەفتە


مامۆستایەكی زانكۆ ڕایدەگەیەنێت، كۆمەڵی دادگەری لە پارێزگای هەڵەبجە لە بەردەم دوو بژاردەدایە، هۆكارەكەشی بۆ "ڕەفتاری ناشیرین و ناشەرعیی" بەرپرسەكانیان لەو سنورە دەگێڕێتەوە.

عەبدولڕەحمان محەمەد عارف، مامۆستا لە زانكۆی هەڵەبجە لە پەڕەی تایبەتی خۆی لە تۆڕی كۆمەڵایەتیی فەیسبوك نوسیویەتی"حزبی كۆمەڵی دادگەری لە سنوری پارێزگای هەڵەبجە بەهۆی ڕەفتارە ناشیرین و ناشەرعییەكانی بەرپرسەكانیان هەموو ئەو حزبەیان خستوەتە بەردەم دوو بژاردەوە".

مامۆستاكەی زانكۆی هەڵەبجە سەبارەت بە دوو بژاردەكە دەڵێت:

یەكەم: ڕاستگۆیانە كاركردن بە ناو و شیعاری (دادگەری) و دەم و دەست بەستنی ستەمكارانی ناو حزب و گێڕانەوەی مافە پێشێلكراوەكان.

دووەم: یان بە كردەیی ئەیسەلمێنن كە ئەو حزبە پشتگیریی (گروپێكی گوماناوی) دەكەن كە كەمترین ناو و وەسف شایستەیان بێت بریتییە لە (مافیای سیاسی و دیكتاتۆری)!. ئەو گروپە فیعلەن بونەتە سەرچاوەی پەخشی ڕق و كینە و بوختان و لەتوكەرتكردنی خێزان و بنەماڵەكان، ئەمەش میراتێكی كۆنە بۆیان ماوەتەوە".

دەشڵێت"ئەو گروپە بۆ (ئێمەومانانی دەرەوەی حزبەكەیان) و بۆ ناوخۆی خۆشیان بونەتە كێشە، هەموو سەركردایەتیی كۆمەڵ ئەزانن كێن و چی ئەكەن و بەتەمای چین، بەڵام نایانەوێت لە سنوری خۆیاندا ڕایانوەستێنن".

نوێترین


کاریکاتێر

وێنەهەواڵ

© 2016 Dwryan.net. All Rights Reserved.