سەرەتا/ لەبارەی دابڕان/ پەیوەندی/

ناكۆكییەكانی ئیخوان لەگەڵ هاوپەیمانەكانی زیاتر دەبێت

پێش 4 هەفتە


لە چەند رۆژی رابردودا گرژی و ناكۆكی لەنێوان كۆمەڵەی ئیخوان موسلمین و هاوپەیمانەكانی كە بە ئۆپۆزسیۆنی میسری لە دەرەوە ناسراون بە تایبەتی لە توركیا، سەریهەڵداوە لەسەر هەندێك بابەت.

بەپێی راپۆرتی كەناڵی سكای نیوز، ناكۆكی لە نێوان ئیخوان و هاوپەیمانەكانی چەند ساڵێكە هەبووە، بەڵام لە مانگەكانی رابردودا پەرەیسەندوە بەهۆی كۆمەڵێك هۆكار، یەكێكیان هەوڵی ئیخوانە بۆ گفتوگۆ لەگەڵ میسر، بۆ فشاركردن لەسەر ئەنقەرە لە دانانیان لە چوارچێوەی پلانی گفتوگۆكانی ئایندەی لەگەڵ میسر، ئەمەش لە چوارچێوەی دەركەوتنی رێبەری گشتی ئیخوان لە یەكێك لە كەناڵەكان و تێیدا هاوپەیمانەكانی پشتگوێخست كە لە 2014وە لە سەر خاكی توركیان.

كێشەیەكی دیكە بریتییە لە دۆسێی ژمارەیەكی زۆر گەنجی نیشتەجێی توركیا بەبێ بەڵگەنامەی ڕەسمی كە كۆمەڵێكی زۆریان بەڵێنیان پێدرابوو لەلایەن ئیخوانەوە بەڵگەنامەی ڕەسمی نیشتەجێبونی توركیایان بۆ بكات، یان مامەڵەی دەرچونیان لە توركیا بۆ بكات بۆ وڵاتانی دیكە، بەڵام ئیخوان چی دیكە پشتگیریی ئەو گەنجانە ناكات كە ژمارەیان دوو هەزارە، ئەم گەنجانەش نیگەرانن بەتایبەتی لەگەڵ نزیكبونەوەی میسر و توركیا و مەترسی گەڕاندنەوەیان بۆ میسر هەیە.

لەلایەكی دیكەوە كۆمەڵەی ئیخوان موسلمین پارەیەكی زۆری تەرخان كردوە بۆ هاوپەیمانەكانی بە مەبەستی دژایەتیكردنی حكومەتی میسر، بەڵام لەو هەوڵەیدا شكستی هێناوە.

لە دوای روخانی دەسەڵاتی ئیخوان لە میسر لە 2013، دوای تەنها ساڵێك لە حكومڕانی، ئیخوان چەندین هاوپەیمانی پێكهێنا، بەڵام لە ماوەی 7 ساڵی رابردودا شكستیهێناوە لەو هاوپەیمانێتیانەدا و هیچی دەست نەكەوتوە، بگرە قەیرانیشی بۆ زیادكردوە.

لەگەڵ نزیكبونەوەكانی توركیا و میسریش، ئیخوان كەوتوەتە بارێكی قەیراناوییەوە، مەترسی هەیە سەركردەكانی لە توركیا رادەستی میسر بكرێنەوە كە لە دادگای میسر داواكراون.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.