سەرەتا/ لەبارەی دابڕان/ پەیوەندی/

شەڕە ناوخۆییەكەی كۆمەڵی دادگەریی بەردەوامە

پێش 1 هەفتە


بەهۆی لێكردنەوەی پاشگری ئیسلامی لەكۆمەڵی ئیسلامی و گۆڕینی بە كۆمەڵی دادگەریی، تائێستاش لەناو ئەو حزبەدا گفتوگۆ و وەڵام و وەڵامدانەوە تەواو نەبوە.

چەند رۆژی ڕابردو دڵشاد گەرمیانی ئەندامی پێشوی مەكتەبی سیاسی كۆمەڵی دادگەریی كوردستان وەڵامی نازم عەبدوڵا ئەندامی پێشوی مەكتەبی سیاسی ئەو حزبەی داوەتەوە.

دڵشاد گەرمیانی ڕایگەیاندوە"نە بەخوێندنەوەی كتێبە سیاسییەكان دەبین بە سیاسی!! نە زانینی هونەری سەركردایەتی دەمانكات بەسەركردە".

ئاماژەی بەوەكردوە"ئێمە لەگەڵ گۆڕینی ناوی كۆمەڵ و لادانی پاشگری ئیسلامی و سڕینەوەی (لا ٳلە إلا اللە)ی سەر ئاڵاكەمان و !! بەرزكردنەوەی دروشمی كرانەوە نەبوین و !! بەهەڵەیەكی ستراتیژی گەورەی دەبینین!!!)، واتە ئەو چوار خاڵەی سەرەوە هەمویان پێكەوە و لەیەك كاتدا، بەهەڵەیەكی ستراتیژی گەورە دەبینم نەك تەنها ناوەكە".

باسی لەئەوەشكرد"ئەوەش كە دەربارەی عەقڵییەتی من قسەت كردوە و دەڵێیت (یان ئەكرێت چارەنوسی ئوممەتێك بدرێت بەدەست ئەم جۆرە كەسانەوە و متمانەیان پێ بدرێت!؟ ) دەڵێم براكەم ئەوە بەرپرسیاریەتییەكەی لەئەستۆی تۆدا نییە؟! ئەوانەی كە متمانەیان بەمن داوە لەڕابردو، چ لەزەمانی بزوتنەوە، كە چەندەها كەڵە پیاوی گەورەی تێدا بوو، كە ئەو كات سەركردایەتی بونیش هێندە ئاسان نەبو، چ كاتی یەكبون و چ لەسەردەمی كۆمەڵی ئیسلامیشدا، دەنگدەرەكان هەموی خەڵكی دیندار و دامەزراو و بۆ خوا سوڵحاو بون، لەهەمو كۆنگرەیەكیشدا بەدەنگێكی زۆرەوە متمانەیان پێ دەدام و، ئەوەش بەڵگەی ئەوەیە كە كاتی خۆی ئەو بیروڕاو عەقڵییەتەی كە هەمانە مایەی شانازی بوو، نەك جێگەی ڕەخنە و گلەیی!!".

دەشڵێت"گرنگ ئەوەیە جەنابت خۆت توشی ئەو هەڵەیە نەبوبی، بەنەزانی دەنگت بەمن دابێ، ئەگەر ئەو هەڵەیەشت كردبێ دەتوانی تەوبەی لێ بكەی، ئێستاكەش كە دونیا گۆڕاوە و، خەڵكانێك توانیویانە و دەتوانن عەقڵیەتی خۆیان بگۆڕن، نابێ پەلە بكەن هەتا بەرهەمی عەقڵە تازەكەیان پیشان نەدەن.

18ی شوباتی ئەمساڵ كۆمەڵ كۆنگرەی چوارەمی خۆی لە سلێمانی بەست، تیایدا بڕیاریدا بە لابردنی پاشگری ئیسلامی و ناوەكەی گۆڕی بۆ كۆمەڵی دادگەریی كوردستان و هاوكات پۆستی ئەمیری حزبەكەی گۆڕی بۆ سەرۆك.

پێشتر نازم عەبدوڵا ئەندامی پێشوی مەكتەبی سیاسی كۆمەڵی دادگەریی وەڵامی وتارێكی پێشتری دڵشاد گەرمیانی داوەتەوە و ڕایگەیاندوە "پێشنیارم بۆ ئەو بەڕێزانەی قسە لەم جۆرە بابەتانە ئەكەن ئەبێ شارەزاییەكی باشیان لەبوارەكانی سیاسەتی شەرعیدا هەبێت و ساڵانە چەندین كتێب لەو بوارانەدا بخوێننەوە، چونكە لۆژیكی نییە قسە لە سیاسەت بكرێت و ئاگاداری سەرچاوەكانی سیاسەت نەبیت، پاشان مەرج نییە ئەگەر كەسێك پۆستێكی باڵای لە هەر حیزبێكدا هەبوو لە سیاسەتیشدا شارەزا بێت.

ئەمە لە كاتێكدایە كۆمەڵی دادگەریی كوردستان هێشتا نەتوانیوە بەشێك لە كادرە تۆراوەكانی ئاشتبكاتەوە، كە بەهۆی لێكردنەوەی پاشگری ئیسلامی لە حزبەكەیان تۆرابون.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.