سەرەتا/ لەبارەی دابڕان/ پەیوەندی/

پێشوازی لە پاپا دەكەین ... ئیسلامەكەی خۆمان فەرامۆش دەكەین

03/03/2021



د.سالار تاوگۆزی 

ئیسلامیەكی توند ئاژۆ گوتی: مەعقولە مەسیحیەكان ئاوها ئاینی خۆیان خۆشدەوێت و شایلۆغان بۆ هاتنی پاپا دەكەن، كوردی موسوڵمانیش بەهاتنی ئەو كابرا دڵخۆشە، لەهەمان كاتیشدا پێی عەیبە شانازی بە ئاینەكەی خۆیەوە بكات، یان بەرگریەكی شەرەفمەندانە لە مامۆستا مەلا (كرێكار) بكات؟. 

من نازانم بۆچی وەك كوردی موسوڵمان پێشوازی لە پاپایەك دەكەین ئاینەكەی نەسخ و مەسخ و فەسخ بوو، بەڵام ئیسلامەكەی خۆمان فەرامۆش دەكەین ؟!.

منیش گوتم: یەكەم، مەسیحەیەكان دەڵێن: پاپا دوای چاوەڕوانی یەكی زۆۆۆۆۆۆر هاتووە تا سەردانی گەلەكەی خۆی و هاودینەكانی لەسەرزەمینی باوك و باپیرانیان لەعێراق بكات، كە لە بنەڕەتدا هی خۆیانە، لەپێش حەوت هەزار ساڵەوە لێی نیشتەجێن، بەڵام بەهۆی فوتوحاتی ئیسلامیەوە زەمین بەدەر كراون.

پاشان ئاینەكەی پاپا پاڵفتە كراوە و وەك سەلەفیە جیهادییەكەی مەلا (كرێكار) نیبە تا دەست وەربداتە وردو درشتی ژیان و وەك كەسێكی خونفەشاری (هەمووشتزانی هیچ نەزان) لەهەموو بابەتێك قسان بكات.

 ئەمە جگە لەوەی كرێكار تەمسیلی هەموو موسوڵمانان ناكات، ئەمما قەداسەتی پاپا (فرانسیس) تەمسیلی هەموو مەسیحیەكان دەكات.

هاوڕێیەكی ئاتایستیش گوتی: پاشان لەبەرانبەردا كوردی (بێدین، زەردەشتی، موعتەزیلی، مەسیحی و ئەیزیدی و...تد)یش هەن پێیانوایە ئیسلام ئاینی حەقیقی كوردان نیە و كوردستانی فەتح كردووە. ئەوجا ئەوە لەعەقڵی تۆدا ئەو خەلەلە ڕوویداوە وادەزانیت ئاینی پاپا درۆیە و تەنها ئیسلام ڕاستە، لەكاتێكدا ئیسلام لەتێڕوانینی من و پاپا بەو شێوە نیە كە تۆ تێی گەیشتوویت، بابە بڕۆ بخوێنەرەوە، داماو واز لەقسەی بانگخواز و كتێبی ئیسلامی سەلەفی و ئیخوانی و جیهادی بهێنە، فەلسەفە بخوێنەرەوە با عیلاجی نەخۆشیەكانی فیكرت بكات.

ئیسلامیە توندڕەوەكە: ئێوەش كافرێكن وەك ئەوان.

من: بەخوا برا من موسوڵمانم، تۆ ناتوانیت بە خستنەڕووی بۆچوونێكی جیاواز لەخۆت بمكەیت بە كافر. ئامادەش نیم بەرگری لەتێرۆریستێكی وەك كرێكار بكەم كە ئیسلامەكەمانی ناشیرین كردووە. سبەینێ ئەگەر شێخی ئیسلامی زانكۆی ئەزهەر بێت منیش دەچمە پێشوازی، ئەوەتا ناوی خۆم بۆ پێشوازی پاپا نەنوسیوە. 

كوردە ئاتایستەكە: ئاخر دكتۆر بۆیە حاڵی جوانە.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.