سەرەتا/ لەبارەی دابڕان/ پەیوەندی/

​ تواناكانی داهێنانی حیكایەت

پێش 3 هەفتە


راڤیار نەوزاد

یەكێك لەو تێزانەی كە یۆڤاڵ نوح هراری زۆر بە وردی كاری لەسەر دەكات توانای داهێنانی "حیكایەت"ە لەلای مرۆڤی ئاقڵ ، هەراری زۆر بەڕونی ئاماژە بەوە دەكات جیاوازی بنەڕەتی نێوان هۆمۆسایپێن و توخمەكانی تر ئەوەبووە كە ئەمان توانای دروسكردنی كۆمەڵێك حیكایەتی وەهمیان هەیە و توانای باوەڕهێنانیشیان بەو حیكایەتانە هەیە .

 هەراری دەڵێت كە توانای دروستكردنی ئەم حیكایەتانە هاوكاری مرۆڤی ئاقڵی كردووە كە زیاتر پەرە بەپەیوەندیە كۆمەڵایەتیەكان و پەیوەندیە تایبەتیەكانیشیان بدەن و هەراری بونی پەیوەندیەكی بەكۆمەڵ و ئیرتیجالی لەنێوان هۆمۆسایپێنەكان دا بەخاڵی بەهێز و كاریگەریان دادەنێت لەسەركەوتنیان بەسەر توخمەكانی دیكەدا.

ئایدۆلۆژیای "شیعە"گەرای لە سەرەتای سەرهەڵدانیەوە تا ئەمڕۆ بەجوانترین شێوە سودی لە وێنەی (غەدرلێكراو) بینیوە ، شیعە بەگشتی ئەگەر لەترۆپكی دەسەڵاتیشدابن ، ئەگەر لەوپەڕی هێزیشدا بن خۆیان وەك "ماڵ لێ زەوتكراو" و زوڵم لێ كراو نیشان دەدەن و حیكایەتی ئەم ماڵ لێزەوتكردن و زوڵملێكراویە دەما و دەم و دەستاو دەست دەگێڕنەوە ، ئەمەش باش یارمەتیان دەدات كە هەمیشە ستەمكاری خۆیان بەستەم لێكراوی مێژویان پەردەپۆش بكەن .

 پرسەی درێژكراوەی هەزاران ساڵەی "ئیمامی حسێن" لەڕوانگەی پێرفۆرمانسیەوە زۆرباش هاوكاری شیعەكان دەكات بۆ درێژەدان بەوێنەی "ستەملێكراوی هەمیشەیی" خۆیان و زیندوو كردنەوەی حیكایەتیان بۆ نەوەی نوێیان ئەگەر تەنانەت لەوپەڕی دەسەڵاتی ستەمكاری خۆشیاندابن لە عێراق و ئێران و سوریا و یەمەن ، ئێستا كە گرنگی پێدانی ڕوونی شیعەكان دەبینین بە شێوازی پرسەی سلێمانی و نیشاندانی وەك پارچەیەكی دیكەی درێژكراوەی حیكایەتی مێژوی ئەوغەدر و ماڵ زەوتكردنە ، بۆمان ڕوون دەبێتەوە كە حیكایەت و داهێنانی حیكایەت چەندە كاریگەری لەسەر هەڵسوكەوتی كۆمەڵ بەگشتی هەیە و دەبێت .


نوێترین


کاریکاتێر

وێنەهەواڵ

© 2016 Dwryan.net. All Rights Reserved.
Developed by Avesta Group and powered by Microsoft Azure