سەرەتا/ لەبارەی دابڕان/ پەیوەندی/

ژنان قوربانیە بەردەوامەكانی توندوتیژی

26/11/2020



پەرێز سابیر

توندوتیژی بەرانبەر ژنان وەك دیاردە لە جیهاندا بوونی هەیە و شتێكی نامۆ نیە، ڕێژەكەیشی لە وڵاتێك بۆ وڵاتێكی تر جیاوازە، هەندێ فاكتەری جیا جیا كاریگەریان هەیە لەكەمبوون وزیادبوونی ڕێژەی توندتیژی، كە سەرەكیترینیان بریتیە لە یٔاستی ڕۆشنبیری كۆمەڵگا وتاكەكان وهەبوونی یاسای توند وهاوچەرخ بۆ سزادانی توندوتیژكاران لەگەڵ ڕادەی كێشە یٔابوری وكۆمەڵایەتیەكان، كە بێگومان یٔەمەی دواییان بەشێوەی ڕاستەوانە پەیوەندیان هەیە، واتە هەتا كێشە یٔابوری وكۆمەڵایەتیەكان زیاتربێت توندوتیژی خێزانی وبەقوربانیبوونی ژنانیش زیاترە.

لەهەرێمی كوڕدستان سەرەڕای هەبوونی یاسای توندوتیژی خێزانی وهەبوونی نوسینگەكانی پۆلیسی توندتیژی خێزانی وهەبوونی چەندین ڕێكخراو كە لەم بوارەدا كاردەكەن وهەوڵی كەمكردنەوە ونەهێشتنی توندوتیژەیەكان وپاراستنی ژنان دەدەن، كەچی یٔەوەی جێگای تێڕامانە یٔامارەكانی توندوتیژی خێزانی وقوربانیانی ژن هێشتا بوونیان هەیە وحاڵەتەكانی كوشتنی ژنان هەندێ جار یٔەوەندە بەشێوەی تۆقێنەر وترسناك یٔەنجام دەدرێن ویژدان دەهەژێنن ولایەنە پەیوەندیدارەكانیش توشی شۆك دەكەن.

یٔەوەتا لەدەستپێكی ٢٥ی نۆڤەمبەر و ١٦ڕۆژی بەرەنگاربوونەوەی توندوتیژی دژی ژناندا، تاوانێكی گەورەی كوشتنی ژنێك لەگەرمیان یٔاشكرا دەبێت، پێشتریش دووان لە چەمچەماڵ، پێش یٔەویش چەندانی تر لە شارەجیاوازەكان، كە هەندێك لەم قوربانیانە لە سەرەتای تاوانەكەدا تاوانبارەكان توانیویانە تاوانەكەیان بشارنەوە و دوای تێپەڕینی ماوەیەك یٔینجا توانراوە یٔاشكرا بكرێن، بەشێكی تریان یٔەوەندە بەشێوەی ڕێكخراو و بەرنامە بۆ داڕێژراو تاوانەكەیان یٔەنجامداوە دوای چەندین دانیشتنی دادگا وفشاری هەمە لایەنە، یٔینجا توانراوە تاوانبار بەسزایی یاسایی بگەیەنرێت، هەندێكی تریان لەبەر دەستڕۆیشوویی تاوانبارەكە یان داڵدەدانی لەلایەن كەسانی دەستڕۆیشتووەوە هەر نەتوانراوە بەشێوەی یاسایی و دادپەروەرانە تاوانبارەكە بەسزا بگەیەنرێت، بەڵكو پەردەپۆشكراوە و بەڕێگای تر كۆتایی بەكەیسەكان هێنراوە!

یٔەمانە پێمان دەڵێن توندونیژی دژی ژنان لەوڵاتی یٔێمەدا یٔامادەگی هەیە ویٔەو ڕێوشوێنانەیشی تا یٔێستا دانراون بەس نین وپێویستە پێداچوونەوەیان پێدابكرێت وبەدوای هۆكارە ڕاستەقینەكانی تری پشت تووتیژیەكاندا بگەڕێیین ولەوێوە هەوڵی بەگژداچوونەوەیان بدرێت، كەبێگومان سەرەكیترینیان سەروەركردنی ڕاستەقینەی یاسا ودورخستنەوەی یٔەو دەستانەی ڕێگرن لە بەسزا گەیاندنی تاوانبارەكان وهەوڵی قوتاركردنیان دەدەن، هەروەها گرنگیدان بە كوالێتی ویٔاستی ڕێكخراوەكانی ژنان، نەك تەنها ژماریان، چونكە دیارە كە ژمارەی زۆری ڕێكخراوەكان نیشانەی چالاكبوونیان نیە، بەڵكو بەشێكی زۆریان لەیٔاستی پێویستدا نین، یٔەمە سەرەڕای یٔەو كەموكورتیانەی لە شێڵتەرەكانی مانەوەی ژناندا هەیە و بەداخەوە بەشێك لە قوربانیەكانی ژنان پێشتر لەو شێڵتەرانەدا بوون.

كەواتە كەمكردنەوەی توندوتیژی بەرانبەر ژنان هەوڵی زیاتر وهەمەلایەنی دەوێت لەسەر یٔاستی دەسەڵات وكۆمەڵگا وڕێكخراوەكان بەناوخۆیی ونێودەوڵەتیەكانیشەوە.

نوێترین


کاریکاتێر

وێنەهەواڵ

© 2016 Dwryan.net. All Rights Reserved.
Developed by Avesta Group and powered by Microsoft Azure