لەبارەی دابڕان/ پەیوەندی/

لە ئەڵمانیا رێكخراوی گورگە بۆرەكان قەدەغە دەكرێت

پێش 2 هەفتە


ڕۆژی چوارشەممە 18 تشرینی دوەمی 2020 زۆرینەی پەرلەمانی ئەڵمانیا ڕەزامەندی لەسەر داوایەكی حزبە هاوپەیمانەكانی دەسەڵات و پارتی دیموكراتی ئازادی لیبراڵی و پارتی سەوزەكان سەبارەت بەقەدەغەكردنی ڕێكخراوی گورگە بۆرەكان پیشاندا.

ئەم هەنگاوەی ئەڵمانیا دوای ئەوە هات كە فەڕەنسا ئەم ڕێكخراوەی قەدەغە كرد و پێیانوایە ڕێكخراوێكی نەژادپەرستی دەمارگیری توندڕەوی بزوتنەوەی ناسیۆنالیستی توركی هاوپەیمانی ڕەجەب تەیب ئەردۆغانن.

هەنگاوەكەی پەرلەمانی ئەڵمانیا بەو ئاراستەیە بە وەرچەرخانێكی نوێ و هەنگاوێكی گرنگ ناودەبرێت و گومانیش نییە كە دەسەڵاتدارانی توركیا دژی بڕیارێكی لەو جۆرە دەوەستنەوە.

پەرلەمانی ئەڵمانیا لەو سۆنگەیەوە ڕێگەی بەتوێژینەوەیەكی لەو جۆرەدا لەبەر ئەوەی پرۆژەكە باس لەوە دەكات گورگە بۆرەكان ڕێكخراوێكی دژبە پێكەوەژیانە و دژی ژیانی دیموكراسیە و هەڕەشەیە بۆ سەر ئاسایشی ئەڵمانیا.

ئەمەش وایكرد بەكۆی زۆرینەی پەرلەمان بڕیاریاندا كار لەسەر ئەو پرۆژەیە بكەن و هاوشێوەی فەڕەنسا ئەڵمانیا، وڵاتانی تریش ئەم ڕێكخراوە توندڕەوە قەدەغە بكەن.

بەرلەدو هەفتە فەڕەنسا ڕێكخراوی گورگە بۆرەكانی بەهۆی ڕەفتاری توندوتیژی و نەژادپەرستی قەدەغە كرد، لەكاردانەوەیكی توندیشدا توركیا ناڕەزایی دەربڕی و داوایكرد فەڕەنسا ڕێز لەماف و ئازادیی ڕادەبڕین بگرێت و واز لە كەمكردنەوەی تورك لەو وڵاتەكەیدا بهێنێت.

بەپێی ڕاپۆرتێكی دەستەی پاراستنی دەستوری ئەلمَانیا كە بە هەواڵگری ناوخۆ ناسراون ڕێكخراوی گورگە بۆرەكان بەرپرسیارێتی بڵاوكردنەوەی گیانی توندڕەوەی و نەتەوەپەرستی هەڵدەگرن، ڕاپۆرتەكە باس لەوە دەكات ڕێكخراوی گورگە بۆرەكان پەیوەندی بەبزوتنەوەی نەتەوەپەرستی هاوپەیمانی  پارتی داد و گەشەپێدان و حكومەتی ڕەجەب تەیب ئەردۆغانەوە هەیە.

ماوەیەك بەر لەئێستا سوپای ئەڵمانیا ئاشكرایكرد، لە ڕیزەكانیدا چوار كەس پەیوەندیان بە ڕێكخراوی گورگە بۆرەكانەوە هەبوە و ناسراوبون بە "گەنجە نمونەییەكان" سەرچاوەكانی حكومەتی ئەڵمانیا پشتڕاستیانكردەوە یەكێك لەو چوار كەسە بە بەڵگەی باوەڕپێكراوەوە دەیسەلمێنێ بەلانی كەمەوە هیچ پابەندبونێكیان بەدەستوری ئەڵمانیاوە نییە.

ڕێكخراوی گورگە بۆرەكان بە رەسمی لەهیچ دەزگایەكی بەرپرسی توركیا تۆمارنەكراون، ئەم ڕێكخراوە لەكۆتایی شەستەكانی سەدەی ڕابردو دامەزرێندراوە و ئامانجی كاركردنی بەپیرۆزهێشتنەوەی تورك و گەڕانەوەی پیرۆزییە مێژوییەكانیەتی و بەئاشكرا لەدژی كورد و ئەرمەن كار دەكەن، ئەم ڕێكخراوە لەچوارچێوەی جوگرافیای خەونەكانیاندا لەگەڵ قەڵەمڕەی توركیادان.
سەرچاوە/ پیوكەی میدیا

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure