لەبارەی دابڕان/ پەیوەندی/

داوا لە ماكرۆن دەكرێ ئیخوان موسلیمین لە فەڕەنسا قەدەغە بكات

پێش 2 هەفتە


22 كەسایەتیی گەورە و دیاری فەڕەنسا لە نامەیەكی كراوەدا، داوا لە ئیمانوێل ماكرۆن سەرۆكی وڵاتەكەیان و وەزیری ناوخۆی فەڕەنسا دەكەن رێكخراوی ئیخوان موسلمین لە فەڕەنسا قەدەغە بكەن كە ناوی خۆیان ناوە "موسڵمانانی فەڕەنسا".

پێگەی "ئەلعەرەبیە" بڵاویكردوەتەوە، 22 كەسایەتیی گەورە و دیاری فەڕەنسا، داوا لە ماكرۆن سەرۆك و جان كاستیكس سەرۆك وەزیران و جێراڵد دارمانە وەزیری دەرەوەی فەڕەنسا دەكەن، چالاكیی لقی ئیخوان موسلیمینی فەڕەنسا قەدەغە بكەن. 

ئەو كەسایەتییانە لە نامەیەكی كراوەدا دەڵێن، لە ساڵی 2017ەوە رێكخراوی ئیخوان موسلیمین ناوی خۆیان ناوە "موسڵمانانی فەڕەنسا" و ئەو رێكخراوە مەترسیی بۆ فەڕەنسا هەیە، بۆیە بە قەدەغەكردنی، دەبێتە لێدان لە دڵی مەرجەعی ئایدیۆلۆجی توندڕەوی رێكخراوەكە.

ئەوانەی لە نامەكەدا ئیمزایان كردوە ئاماژە بەوە دەكەن، بۆچونی ئیخوانەكان دوژمنایەتیی خۆرئاوایە، بۆیە یەكیتێی رێكخراوە ئیسلامییەكان لە فەڕەنسا، ناوی لە خۆی ناوە، "موسڵمانانی فەڕەنسا".

لە كۆتایی نامەكەیاندا ئەو 22 كەسایەتییە نووسیویانە، فڕەنسا وڵاتی رووناكبیران و وڵاتی ڤۆڵتێرە، بۆیە لەلایەن ئیخوان موسلیمینەوە دەكرێتە ئامانج.

لەلایەكی تریشەوە دەستەی زانایانی مسوڵمانان لە سعوودیە رایان گەیاند، رێكخراوی ئیخوان موسلیمین كۆمەڵەیەكی تیرۆریستین و پێڕەوی میتۆدی ئیسلام ناكەن، بەڵكو لە پێناو حزبەكەیان كار دەكەن.

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure