لەبارەی دابڕان/ پەیوەندی/

یەكێتی كام جیهانی زانایانی ئیسلامی؟

پێش 2 هەفتە


بەهرۆز حاجی

خودای گەورە لە قورئانی پیرۆزدا دەفەرموێ كێ دەتوانێ لەوانە سـتەمكارتر بێت، كە بەئاگاییەوە ڕاستییەك، كە خوا شەهادەتی بۆ داوە دەیشارنەوە؟!

كاتێك مرۆڤ لە لایەن ڕێكخراوێكی بەناو یەكێتی جیهانی زانایانی ئیسلامیەوە دەبینێت، كار و كردەوەكانیان دەیسەلمێنێت كە لەپێناو بەدیهاتنی بەرژەوەندییەكانیان شرۆڤە بۆ ئایەتە پیرۆزەكانی قورئان دەكەن! ئەم یەكێتییە جیهانییە كە سەرۆكەكەی پ.د.عەلی قەرەداغیە چـۆن دەتوانن خۆیان لەو ڕاسـتیە قوتار بكەن كە ئـەو بەیاننامانەی دەری دەكەن لەڕۆژەكانی ساڵدا، سـتەمیان نەكردوە و لەبەرانبەر زوڵم و سـتەمەكان و داگیركردن و قڕكردنی میللەتاندا دەكرێت؟ ئەو كاتەی سـەرۆكی ڕێكخراوێكی جـیهانی و یەكێتییەكەی دێنە گۆ و پێیان وایە وڵاتی ئەرمینیا داگیركارە و خاكـی وڵاتی ئازەربایجان بۆ ئەوان حـەرامە! ئەی چـۆنە بیرتان چـوە ئەو شـرۆڤانەتان بەناوی خۆتان و ڕێـكخراوەكەتان بۆ داگیركـارییەكانی ئەردۆگانی سەرۆكی توركیا بكەن و منداڵ و مرۆڤی كورد كۆمەڵكوژ      دەكات و خاكی كوردستانی داگیر كردوە و ڕێگای گرتوە لەبەكارهێنانی ئەو تایبەتمەندیانەی كە خودا وەك مرۆڤ و نەتەوە  پێیداوە و پێی بەخشیوە؟!

چۆن بوو خاكی عەفرین و گرێ سـپی و دهۆك و هەولێرتان خستە گیرفانتان و بەیاننامە و لێدوانێكی ڕاستگۆیانەتان نەبوو؟ یا خود ستەمتان لەدین و ویژدانی خۆتان كردوو، شاردوتانەوە لەپێناو بەرژەوەندییەكی دنیایی! لەكۆتاییدا دەتوانن پێمانبڵێن بونی سـوپا و جەندرمە توركەكان لەنێوخاكی كوردستاندا ناودەنێن چی؟ یاخود دەتوانن لەسزای خودا خۆتان قوتار بكەن و بە (ئەردۆگان) بڵێن تۆ نوێژەكەت لەدیاربەكر دروست نییە و خاكی نەتەوە و گەلێكی ترە؟

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure