لەبارەی دابڕان/ پەیوەندی/

گوێگرتنی كچە بێژەر و مۆدێلێكی سعودی لە قورئان كاردانەوەی لێدەكەوێتەوە

21/09/2020


ئیلین سلێمان، كچە بێژەر و مۆدێلی سعودی ناڕەزاییەكی زۆری لە تۆڕە كۆمەڵایەتییەكان نایەوە بەوەی لەكاتی گوێگرتن لە قورئانی پیرۆز، ماكیاجیش دەكات.

ئیلین سلێمان، تەمەنی 25 ساڵە و ئێستا نیشتەجێی شاری دوبەیە لە ئیمارات، ئەم كچە مۆدێل و بێژەرە لە هەژماری خۆی لە سناپ چات گرتەیەكی ڤیدیۆیی بڵاوكردوەتەوە و تیایدا دەردەكەوێت كە لەكاتی گوێگرتن لە سورەتی (البقرە) لە قورئانی پیرۆز خەریكی جوانكردنی روخساری و ماكیاج كردنە.

لە تۆڕە كۆمەڵایەتییەكان دەوترێت ئەم كارەی ئیلین پێچەوانەی ئەستێرەكانی دیكەی جیهانە كە لەكاتی گوێگرتن لە موزیكی پۆپ-ی عەرەبی و بیانی، ماكیاج دەكەن.

رەفتارەكەی ئەم كچە سعودیە لەلایەن ناڕەزاییەكی زۆری بەدوای خۆیدا هێنا و هەندێك دەڵێن كە "رەفتارەكانی سەیرە و سوكایەتیكردنە بە قورئانی پیرۆز"، هەندێكی دیكەش بەلایانەوە ئاساییە و دەڵێن "ئەمە ساتی سوجدە بردن و سادەییە".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure