لەبارەی دابڕان/ پەیوەندی/

چیرۆكی ئەو كچەی لەلایەن باوكیەوە دەستدرێژی كرایەسەر

پێش 1 هەفتە


لە چەند رۆژی رابردوودا  (ه ، م)ی 18 ساڵ لە شاری كەركوك هەوڵی خۆكوشتنی دا، پۆلیس رێگری لە رووداوەكە كرد و ئێستا ئەوەی دەربارەی هۆكارەكەی روون بووەتەوە، ئەوەیە "ئەو كچە لە منداڵیدا و لە تەمەنی 10ساڵیدا لەلایەن باوكییەوە دەستدرێژی سێكسی كراوەتەسەر".

بەپێی زانیارییەكان " كاتێك سەرەتای ئەم هەفتەیە كچە 18 ساڵانەكە هەوڵی خۆكوشتنی داوە و ویستویەتی لەسەر پردی لەیلان خۆی هەڵداتە خوارەوە، بەڵام لەلایەن هێزەكانی پۆلیسەوە هەوڵەكەی شكستی پێهێنراوە و رزگاریان كردووە".

هەر بەپێی زانیاریەكان "دوای ئەوەی پۆلیس هەوڵە خۆكوژییەكەیان شكستپێهێناوە، پاشان تیمەكەی پۆلیس كچەكە دەبەنە بنكەی پۆلیس، لە كاتی وەرگرتنی وتەی كچەكەدا، باسی لەوەكردووە، كە باوكی لە تەمەنی 10 ساڵیدا دەستدرێژی سێكسی كردووەتە سەری".

لەسەر وتەكانی ئەم گەنجە "باوكی دەستگیركراوە، كە ئەفسەری خانەنشینە و تەمەنی 45 ساڵە و خەڵكی شارۆچكەی حەویجەن و ئاوارەی كەركوك بوون، باوكی كچەكەش لە بەردەم پۆلیسی لێكۆڵەری یەكێك لە بنكەكانی پۆلیسی كەركوك، دانی بە تاوانەكەیدا ناوە".

ئەوەی زیاتر جێی سەرنجە " ئەو پیاوە نكۆڵی لەو تاوانە نەكردووە و ئەوەشی وتووە كە  هەوڵیداوە دەستدرێژی سێكسی بكاتە سەر كچێكی دیكەی كە تەمەنی 22 ساڵە بەڵام لە هەوڵەكەی سەركەوتوو نەبووە".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure