لەبارەی دابڕان/ پەیوەندی/

بۆچی نێرێك لەسەر شەرەف ناكوژرێت ؟

پێش 2 هەفتە


 
د.سالار تاوەگۆزی

 ئەوەی كەشەرەف دەڕوشێنێت نێرینەیە، بەڵام هیچ كوڕێك یان پیاوێك لەسەر شەرەف دەستگیر نەكراوە یان نەكوژراوە، ئەگەریش لەچەند حاڵەتێكی دەگمەندا، كوژرابێت لەگەڵ مێینەكەدا كوژراوە، كەچی لەهەموو كەیسەكانی شەرەفدا تاوانباری سەرەكی نێرینەیە.

ئەو شەرەفەی تەنها لەنێوان ناوك و ئەژنۆی نێری كوردو موسوڵماندایە، نەك ئەو شەرەفەی كە خۆی لە بەهاباڵاكانی وەك: (ڕاستگۆیی، دڵسۆزی، وەفا، متمانه، ئەمانەتپارێزی، ڕێزی بەرانبەر، قەبوڵكردنی جیاوازیەكان، مرۆڤدۆستی، ئاژەڵدۆستی...تد) دەبینێتەوە.

لە هەر كەیسێكی شەرەفی ناو كۆمەڵگەی عەرەبی و ئیسلامیشدا، بەتایبەتی لای ئێمەی كوردی موسوڵمان، مێینە دوو جار قوربانیە؛ جارێك قوربانیی ناوگەڵی نێرینەیە، جارێكیش قوربانی عەقڵی خێڵەكی و ئاینی نێرسالارەكانە. ئەوە تەنها مێینەكان كەوا بەبیانویەكی بێمانا دەكوژرێن، گوایە شەرەفی نێریان پێ سپی دەكرێتەوە.

جێگەی داخە حیزب و گروپەكانی ئیسلامی سیاسی و پیاوانی ئاینیش - كە زادەی كلتووری فوحولەتی خێڵ و ئاینەكانن- لەبەرانبەر كەیسەكانی شەرەفدا بێدەنگن، یان تەنها نوزەیەكیان لێوە دێت، وەلێ لەسەر لابردنی پارچە پەڕۆیەكی بێكەڵك بەسەری مێینەوە، قیامەت هەڵدەستێنن.

ئەمە لەكاتێكدایە بەهیچ شێوەیەك ئەم پەڕۆیە لەخودی دینەكەماندا فەرز نیە.

ئەگەر بەشێوەیەكی بابەتیانەو بەدەر لە سۆزی ئاینی، لەڕەهەندە مێژووییەكەی پەڕۆكەش بكۆڵیتەوە، بۆت دەردەكەوێت سیمبولی جیاكاریە لەنێوان (مێینەی ئازاد) و (مێینەی بەكۆیلەكراو) لەلایەن خودی نێرە توندڕەوەكانی ئەوسای كۆمەڵگەی عەرەبی دەشتەكی و خێڵەكیەوە .

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure